Tenperatura maximoak 10 gradu ingurukoak izango dira
Giro ezegonkor eta bustia, baina tenperatura atzo baino beherago geldituko da. Tarteka zaparradak botako ditu, batez ere Kantauri isurialdean, eta baliteke lekuren batean ekaitzak jotzea. Hegoaldean, oro har, prezipitazioak ahulagoak eta tartekatuagoak izatea. Tenperaturak behera egingo du; maximoak 10 ºC-tik gertu geratuko dira ipar partean, eta balio hori baino apur bat beherago barnealdean. Elur-kota 1000-1200 m inguruan kokatuko da, eta egunaren amaieran 700-900 m-ra jaitsi daiteke. Tenperatura minimoak egunaren azken orduetan neurtuko dira, eta izotza egin dezake Arabako eta Nafarroako zenbait tokitan.
