Hego haizea protagonista izango da aste osoan tenperatura oso leunak utziz
EGURALDIA | Hego haizeak protagonista izaten jarraituko du datorren aste osoan zehar, gaur izan ezik, fronte batek euriteak utziko baititu datozen orduetan. Gainerako asteetan esolak eta tenperatura leunek markatuko dute, 20 gradu inguruan
Astelehena, euria
Astelehenean fronte baten etorrerarekin eguraldia aldatu egingo da. Goizaldean zerua estali egingo da eta goizean goizetik euria egingo du, euria mendebaldetik ekialdera hedatuko da eta eguerdi partean pixkanaka gutxituz joango da. Goizean goiz joko duen hegoaldeko haize zakarra mendebaldera eta ipar-mendebaldera aldatuko da goizaldean, eta indarra galduko du goizean zehar. Tenperatura maximoek behera egingo dute, baina hala ere altuak izango dira eta goizaldean eta goizeko lehen orduetan izango dira. Minimoak azken orduetan erregistratuko dira.
Asteartea, ostarteak
Asteartean eguraldi egonkorra itzuliko da. Zerua ez da urdin egongo, erdi-mailako eta goi-mailako hodei ugari ikusiko dira, barnealdean lainoak izango dira eta iraunkorrak izan daitezke. Hegoaldeko haizea ibiliko da eta tenperatura maximoak ez dira asko aldatuko. Minimoak jaitsi egingo dira, eta zenbait tokitan izotza egin dezake.
