«Orain bertako klubak behar nau, zuzendaritza berriarekin batera, bere garaian IKT izan zena berreraikitzeko», aitortu du Suffardik
IURRETA | «Denboraldi honetan ekarpen bikaina egin du: lanerako prest egon da beti, eta bere ikuspuntuak taldea aberastu du. Orain, ahalegin handiz, kargua uzteko erabakia hartu behar izan du». Hitz horiekin eskertu du EH Bilduk Dario Suffardik egindako lana. Maier Alberdik ordezkatuko du.
«Bai, noski, oso zaila izan da. Izan ere, ondo pasatzen dut: udalarekin ekitaldiak egiten ditugunean, denon artean elkarlanean… Ondo konpontzen naiz guztiekin. Ezkerretik ibiliko naiz beti, hori da nire ideologia. Orain, hau puntu eta aparte bat da. Etapa bat amaitu dut, nire onena emanez “, azaldu du arratsaldean Suffardik.
EH Bilduk azaldu duenez, Suffard argentinarra da jaiotzez, “iurretarra % 100ean, aurrerantzean ere herriaren alde lan egiten jarraituko du: Iurretako Kirol Taldeko presidenteordea da, eta bere indar guztiak erabiliko ditu kluba berreraikitzeko”. EH Bildutik animo eta zorterik onena opa diogu zeregin honetan.
