Hitzorduak musika korala, kalejrak, kontserbatorioko emanaldiak eta Euskal Herriko zein kanpoko taldeen partaidetza bilduko ditu
BARAKALDO | Barakaldok urtero herrian errotuta dagoen Santa Zezilia Musika Jardunaldien egitarau berri bati ekingo dio. Azaroaren 14tik 29ra bitartean, udalerriko kaleak, plazak, gizarte-etxeak eta elizak kulturaz eta musikaz jantziko dira musikarien zaindariaren omenez antolatutako ospakizunen baitan.
Egitarauak aniztasuna eta kalitatea uztartzen ditu, herritar guztiei zuzendutako proposamenekin. Aurten ere, abesbatza ugarik hartuko dute parte —besteak beste, Zigor Abesbatza, Bengolea, Kantarte, Orfeón Barakaldés eta Schola Cantorum, esaterako—, bai eta tokiko musika-talde eta elkarteek ere. Horiek guztiek kolorea eta jaia eramango dituzte Foru Pasealekura, Beurko-Bagatzara, Lutxana-Llanora eta Burtzeñara, besteak beste, kalejiren bitartez.
Egitaraua
-
Kontzertu koralak eta emanaldiak: Udalerriko hainbat elizak (La Esperanza, San Vicente, San José, etab.) eta Clara Campoamor Gizarte Etxeak maila handiko errezitaldiak hartuko dituzte. Halaber, paper garrantzitsua izango dute Udal Musika Kontserbatorioko ikasleek eta Udal Musika Bandak, azken honek «América» izeneko kontzertu berezia eskainiko baitu Barakaldo Antzokian azaroaren 20an, ostiralean.
-
Santa Zezilia Eguna: Azaroaren 22an, igandean, musikarien nazioarteko egunean, hiria musikaz beteko da goizetik bertatik Ibarra-Kaldu Taldea edo Lutxanako Dultzaia Taldea bezalako taldeen kalejirekin eta elizkizun zein kontzertu koralekin.
-
Erakusketa berezia: Azaroaren 10etik 30era bitartean, Ceferino del Olmo Aretoak «Bizkaiko Musika Tradizionalak» izeneko erakusketa hartuko du, Itxartu euskal dantza taldearen lankidetzarekin ondonduta.
