Kalejirak, herri-bazkaria, musika-bingoa eta DJ saioa izango dira goizaldera arte luzatuko den egun osoko egitarauan
ABANTO ZIERBENA. Iaz Gallartan lortutako arrakastaren ondoren, Gu Gaz-t gazte jaia Las Carreras auzora iritsiko da aurten. Karreraseko Gazte Kuadrillek, Abanto Zierbenako Udaleko Gazteria Arloaren laguntzarekin, egun osoko jaialdia antolatu dute datorren larunbaterako, urriak 24, Haritzalde plazan.
Hau jaiaren bigarren edizioa izango da, udalerriko auzo ezberdinetan txandakatuz egiteko bokazioarekin sortua. Jaiaren berezitasuna izaera parte-hartzailean datza: gazte kuadrillek beraiek sortu, diseinatu eta antolatutako ekimena da, adostasunean eta lankidetzan oinarrituta.
Egitaraua
Jaialdia 13:00etan hasiko da kuadrillek tabernaz taberna egingo duten kalejirarekin, Haritzalde plazatik abiatuta. Ondoren, 15:00etan, herri-bazkaria egingo da plazan bertan (edo Las Carreraseko frontoian, euria egingo balu).
Menua paellak, solomoak piperrekin eta San Marcos tartak osatuko dute, ogia, ura eta ardoa barne. Parte hartzeko txartelak 15 euroan daude salgai auzoko tabernetan gaur arte, urriak 16, ostirala.
Arratsaldean giroak ez du etenik izango: 17:00etan musika-bingoa egingo da, eta 18:00etatik 22:00etara Coda txarangak beste kalejira bat girotuko du. Egunari amaiera emateko, Gamboa DJaren saioa izango da Haritzalde plazan, 23:00etatik goizeko 3:00ak arte.
‘Gu Gaz-t’
-
🕒 13:00: Kuadrillen kalejira tabernaz taberna (Irteera: Haritzalde plaza).
-
🍽️ 15:00: Herri-bazkaria Haritzalde plazan (frontoian euria bada).
-
🎲 17:00: Musika-bingoa.
-
🎺 18:00 – 22:00: Kalejira Coda txarangarekin.
-
🎧 23:00 – 03:00: Gamboa DJ saioa Haritzalde plazan.
