Saioak 5 eta 16 urte bitarteko eta %33ko edo gehiagoko desgaitasun-maila duten gazteei zuzenduta daude
AMOREBIETA-ETXANO | Amorebieta-Etxanoko Udalak jakinarazi du zabalik dagoela urriko, azaroko eta abenduko hilabeteetan Larrea Kiroldegian egingo diren igeriketa egokituko klaseetan izena emateko epea.
Jarduera 5 eta 16 urte bitarteko eta %33ko edo gehiagoko desgaitasun-maila duten gazteei zuzenduta dago. Parte-hartzaile bakoitzak 30 minutuko igeriketa egokituko saioa izango du, monitore espezializatu baten laguntzarekin.
Klaseak larunbat eta igandeetan egingo dira, urriaren 3tik abenduaren 13ra, goizez, 09:00etatik 13:30etara. Ez da saiorik izango urriaren 31ko eta azaroaren 1eko asteburuan, ezta abenduaren 5ean eta 6an ere.
Izen-ematea
Interesa duten familiek Larrea Kiroldegian eman ahal izango dute izena, edo mezu elektroniko bat bidalita kirolak@amorebieta.eus helbidera, betiere irailaren 20a baino lehen.
Eskaera kopurua eskuragarri dauden plazak baino handiagoa bada, zozketa egingo da plazak eta ordutegiak esleitzeko.
