Ospakizuna 19:00etan izango da eta musika eta dantza emanaldiak eskainiko dira eraikinaren fatxadan
DURANGO | Durangoko Arte eta Historia Museoak bere 40. urteurrena ospatuko du datorren ostegunean, ekainak 18, arratsaldeko 19:00etan, museoan bertan egingo den ekitaldi berezi batean.
Urteurrenaren harira, musika eta dantza emanaldiak eskainiko dira museoaren fatxadan, ospakizuna herritarrekin partekatzeko eta kultura-gune honek azken lau hamarkadetan egindako ibilbidea aitortzeko.
Era berean, ekitaldiaren edukiera mugatua denez, bertaratu nahi duten pertsonek aldez aurretik museoarekin harremanetan jarri beharko dute plaza erreserbatzeko: museoan bertan (Sanagustinalde, 16) edota 946 03 00 20 telefonora deituz.
