Tenperatura zertxobait jaitsiko da eskualdean
EGURALDIA | Ostegunean eguraldiak egonkortzera egingo du eskualde gehienetan. Goizaldean eta goizean goiz oraindik zaparrada batzuk egingo ditu, baina atertzeko joera izango dute eta ostarte ederrak zabalduko dira. Arratsaldean bero-hodeiak garatuko dira berriro, baina, oro har, ez dute garrantzizko ondoriorik ekarriko, Pirinio aldean salbu. Hego-mendebaldeko haizea ahul ibiliko da eta arratsaldean iparraldera aldatuko da. Tenperatura zertxobait jaitsiko da kostaldean eta gorabehera handirik gabe jarraituko du gainerakoan.
