Lanak aurkezteko epea apirilaren 30ean amaituko da
DURANGO | Udalak, Euskara Sailaren bitartez, 2026ko Julene Azpeitia Literatura Lehiaketaren deialdia zabaldu du. Herriko idazle gazte zein helduen sormena bultzatzeko helburuarekin, diptikoak parte-hartzeko baldintza guztiak biltzen ditu.
Hiru adar nagusi ditu sariketak: ipuinak, olerkiak eta bertsoak edo koplak. Parte-hartzaileak honela banatzen dira:
-
Ikasleak: Durangoko ikastetxeetako ume eta gazteak, eta kanpoan ikasten ari diren durangarrak (18 urte arte).
-
Helduek: 18 urtetik gorako edonork eman dezake izena.
Sarien banaketa
Mailaren arabera, sariak ezberdinak izango dira:
-
LH eta DBHko ikasleak: Liburu sorta bat jasoko dute sarituek.
-
Batxilergoa eta Erdi Mailako LH: 150 euroko saria aurreikusten da.
-
18 urtetik gorakoak: Sariak handiagoak dira, 200 eurotik hasi eta 600 eurora arte (ipuin luzeen kasuan).
Aurtengo arautegian puntu garrantzitsu bat azpimarratu dute antolatzaileek: ez da onartuko adimen artifizialarekin egindako lanik, ez osorik, ez eta zati batean ere. Lan guztiek euskaraz idatziak, jatorrizkoak eta argitaratu gabeak izan behar dute derrigorrez.
-
Azken eguna: Lanak aurkezteko epea 2026ko apirilaren 30ean amaituko da.
-
Bidalketa: Posta arruntez (Barrenkalea 17, Durango) edo helbide elektroniko bidez (
juleneazpeitia@durango.eus) bidali daitezke, betiere anonimotasuna bermatzeko lema sistema erabiliz. -
Ekitaldia: Irabazleen izenak maiatzaren 30ean jakinaraziko dira eta sari banaketa ekainaren 14an izango da Arte eta Historia Museoan.
