Iragarpenen arabera, ez da euririk espero igandera arte
EGURALDIA |Neguko asteburu baten ondoren, elurra 700 metro inguruan utziz, udaberriko astea dator, eguzkia, 25 graduren bueltan.
Astelehenean eguraldiak hobera egingo du. Goizean hodeiak nagusituko dira oraindik eta ez da baztertzen iparraldean euri txikia egitea han-hemenka. Arratsaldean zerua garbitzen joango da lurraldearen hegoaldean eta ipar partean hodeien multzoak geratuko dira. Haizea ahul eta aldakor ibiliko da goizean eta arratsaldean ipar-ipar-ekialdera egingo du. Tenperatura maximoak gutxi edo nahikoa igoko dira.
Martitzena, eguzkitsua
Asteartean udaberriko eguna izango dugu. Giro eguzkitsua nagusituko da eta barnealdean behe-lainoa sortuko da, batez ere Ebro ibarrean. Haizea aldakor ibiliko da, hegoaldekoa nagusi izanik. Tenperatura maximoak nabarmen igoko dira eta 20 ºC-tik gorakoak izango dira toki askotan. Minimoak, ordea, hotzak izango dira, eta Arabako eta Nafarroako zenbait tokitan izotza egingo du.
