Ekimenaren helburua da hondakinen bereizketa egokia sustatzea
AMOREBIETA-ETXANO | “Arkalaz Birziklatu” ekimenaren helburu nagusia da birziklapen-edukiontziak errazago identifikatzea eta hondakinen bereizketa egokia sustatzea. Ildo horretan, dagoeneko birziklapenerako edukiontzi ezberdinetan jarritako pegatinek irudi deigarriak eta mezu argiak jasotzen dituzte, herritarrei edukiontzi bakoitzean zer hondakin mota bota behar den argi adierazteko.
Hala, edukiontzi bakoitzak dagokion pegatina dauka, bertan modu bisualean adierazten delarik zer material mota bota behar den, hala nola plastikoak, beira, kartoia edo hondakin organikoak.
Plastiko eta ontzien edukiontziak: Ohiko ontzien irudiak ageri dira pegatinan, hala nola plastikozko botilak, latak eta tetrabrikak.
Beiraren edukiontziak: Edukiontzi honek beirazko botilen, potoen eta bestelako ontzien irudiak jasotzen dituen pegatina darama, beira birziklagarriaren sailkapena errazteko asmoz.
Paper eta kartoiaren edukiontziak: Edukiontzi urdinetako pegatinek kartoizko kaxen, pizza-kutxen eta paperaren irudiak biltzen dituzte.
Hondakin organikoen edukiontziak: Edukiontzi hau elikagaien eta bestelako hondakin organikoen ilustrazioekin identifikatzen da. Halaber, azpimarratzen da hondakin horiek botatzeko poltsa konpostagarriak erabiltzea ezinbestekoa dela.
Errefusaren edukiontzia (grisa): Edukiontzi honek adierazten du birziklapen-edukiontzietan sartzen ez diren hondakinak bertan utzi behar direla, hala nola zenbait plastiko mota, ontzi zikinduak edota birziklatu ezin diren objektuak. Irudietan ageri dira, besteak beste, plastikozko tresnak, txikleak, argizariak eta birziklatzeko zailak diren bestelako elementuak.
“Arkalaz Birziklatu” kanpainaren eta edukiontzietan jarritako pegatina berrien bidez, birziklatzea herritarrentzat errazagoa izatea nahi dugu, hondakin mota bakoitzerako dagokion edukiontzia erraz identifikatu ahal izan dezaten. Udalerri garbiagoa eta ingurumenarekin konprometituagoa eraikitzeko bidean beste urrats bat da hau. Ekimen honek arrakasta izan dezan, ezinbestekoa izango da guztion lankidetza”, adierazi du Agenda 2030eko zinegotzi Esther Torviscok.
Jasangarritasunaren aldeko konpromisoa
Horrela, Amorebieta-Etxanoko Udalak jasangarritasunaren eta ingurumenaren zaintzaren aldeko konpromisoa indartzen du. Helburua ez da soilik hondakinen kudeaketa eraginkorragoa lortzea, baizik eta herritarrak birziklapen egokiaren garrantziaz sentsibilizatzea eta heztea ere. Gainera, kanpainak 2030 Agendarekiko konpromisoa sendotzen du, kontsumo-ohitura arduratsuak sustatuz eta ingurune naturala babestuz.
“Eguneroko keinu txikiek egiten dute aldea. Hondakinak behar bezala bereiztea etorkizun jasangarri baten aldeko urratsa da. Kanpaina honen bidez, herritarrak parte hartzera animatu nahi ditugu; denon artean, Arkalaz eta Amorebieta-Etxano garbiago eta ingurumenarekiko begirunetsuago egin ditzagun”, adierazi du Torviscok.
Herritarren lankidetza aktiboa
Kanpainaren arrakasta herritarren lankidetza aktiboaren araberakoa izango da. Funtsezkoa da herritarrek pegatinetan jasotako jarraibideak kontuan hartzea eta hondakinak behar bezala birziklatzen modu aktiboan parte hartzea. Udalak konfiantza osoa du guztion inplikazioarekin Amorebieta-Etxano etorkizunarekiko arduratsuagoa eta jasangarriagoa den komunitate baterantz aurrera egiten jarraituko duela.
Amorebieta-Etxanoko Udalak udalerriko birziklapen-edukiontzietan identifikazio-pegatinak jartzen hasi da. Ekimen honen bidez, edukiontzien erabilera kontzienteagoa eta egokiagoa sustatu nahi da, hondakinen bereizketa zuzena erraztuz. Neurri honekin, Udalak ez du soilik hondakinen kudeaketaren eraginkortasuna hobetu nahi; aldi berean, herritarren jasangarritasunarekiko eta ingurumenaren zaintzarekiko konpromisoa indartu nahi du.
Birziklapen egokia sustatzea eta jasangarritasuna bultzatzea
Ekimen hau Udalak birziklapena hobetzeko eta Amorebieta-Etxano garbiago eta ingurumenarekiko arduratsuago bihurtzeko egiten ari den lan etengabearen parte da. Pegatina berrien bidez, edukiontziak argi identifikatu eta hondakinak behar bezala bereiztea erraztu nahi da; horri esker, udalerriko birziklapenaren eraginkortasuna areagotzea lortuko da.
“Edukiontzietan pegatina hauek jartzea neurri erraza baina eraginkorra da haien erabilera egokia sustatzeko. Edukiontzi bakoitzak beharrezko identifikazioa izango du nahasmenak saihestu eta hondakinak behar bezala sailkatzen direla bermatzeko. Horrela, ez dugu soilik hondakinen kudeaketa hobetzen; aurrerapauso bat ere ematen dugu udalerri garbiago eta jasangarriago baten alde”, nabarmendu du Agenda 2030eko zinegotzi Esther Torviscok.
Udalak gogorarazi du ekimen honen arrakasta herritarren lankidetza aktiboaren araberakoa izango dela. Garrantzitsua da Amorebieta-Etxanoko bizilagunek pegatinetan jasotako jarraibideak betetzea eta hondakinak behar bezala birziklatzea, ingurumenaren zaintzan eta guztion ongizatean laguntzeko.
“Komunitate jasangarriago baterantz aurrera egiten jarraitzea dugu helburu, eta horrelako ekintza txikiak funtsezkoak dira hori lortzeko. Guztion lankidetzarekin, udalerri garbiagoa, naturarekiko errespetutsuagoa eta etorkizuneko belaunaldiekin konprometitua den Amorebieta-Etxano eraikiko dugu”, amaitu du Torviscok..
