Duatloian parte hartuko dutenek 5 kilometro korrika, 20 kilometro bizikleta eta amaitzeko 2,5 kilometro korrika egingo dituzte
AMOREBIETA-ETXANO| Zapatu honetan, otsailak 14, Amorebieta-Etxano kirolaren zaleentzako topagune izango da, VII. Taldekako Erlojupeko Duatloia ospatuko delako. Amorebieta-Etxanoko Triatloi Taldeak antolatuta, ekitaldi honek garrantzi handia hartu du Euskadiko Triatloi Federazioaren egutegian, Euskadiko Txapelketa izango delako modalitate honetan.
Lehiaketa 16:00etatik aurrera hasiko da, eta sexu bereko 4-6 pertsonaz osatutako taldeek hartuko dute parte. Taldeko partaide guztiek elkarrekin osatu beharko dute ibilbidea eta 5 kilometroko korrikaldia, 20 kilometroko txirrindularitza eta 2,5 kilometroko korrikaldia barne hartuko ditu probak, taldekako erlojupeko modalitatean.
Erlojupeko modalitate honetan, lehenengoz abiatuko den taldea motelena izango da, eta hortik aurrera, taldeek 30 segundoko tartearekin abiatuko dute, euren errendimenduaren arabera goranzko ordenean. Talde azkarrena azkena irtengo da. Gainera, txirrindularitza tartean, taldeen artean gurutzatzea debekatuta egongo da, probari osagai estrategiko garrantzitsua emanez.
Trafiko afekzioak
Kirol proba honen eraginez, debekatuta egongo da Gure Kirolak frontoiaren aurreko aparkalekuan aparkatzea otsailaren 13ko 20:00etatik otsailaren 14ko 20:00etara.
