Aurten, pintxoak sormen librakoak izango dira eta, horri esker, ostalaritza-establezimenduek beren sormena eta berrikuntza erakutsiko dituzte
AMOREBIETA-ETXANO | Datorren asteburuan, azaroaren 14tik 16ra, Jan Alai pintxo lehiaketaren edizio berria ospatuko da. Oraingo honetan, herriko 23 taberna eta jatetxek hartuko dute parte, sormen libreko pintxoak aurkeztuz. Hori dela eta, establezimendu lehiakideek proposamen berritzaileak sortu ahal izango dituzte, bezeroak harritzeko egokienak iruditzen zaizkien osagaiak erabiliz.
Lehiaketaren eta parte-hartzearen xehetasunak
Jan Alai lehiaketa hiru egunetan zehar ospatuko da: azaroak 14, ostirala, 15 larunbata eta 16 igandea. Parte hartzen duten tabernek ondorengo ordutegietan eskainiko dituzte pintxoak: ostiraletan 19:30etatik 22:00etara, larunbatetan 12:00etatik 15:00etara eta 19:30etatik 22:00etara, eta igandeetan 12:00etatik 15:00etara. Hala ere, establezimendu bakoitzak ezarritako ordutegitik kanpo ere eskaini ahal izango ditu pintxoak.
Aurten, pintxoak sormen librekoak izango dira eta horri esker tabernek konbinazio eta zapore berriak eskaini ahal izango dituzte.
Sariak eta bozketak
Lehiaketak bi sari garrantzitsu emango ditu:
- 000 euroko saria epaimahai profesional batek aukeratutako pintxo onenari, sormena, zaporea eta aurkezpena bezalako alderdiak baloratuko dituena.
- 500 euroko saria herritarrek gehien bozkatutako pintxoari. Herritarrek bozka eman dezaten postontzi bat jarriko da establezimendu parte-hartzaile guztietan. Gainera, bozkatzen duten pertsonak 500 euroko zozketan sartuko dira.
Sari banaketa azaroaren 16an, astelehena, arratsaldeko 18:00etan izango da Zelaieta Zentroan, eta bertan ere zozketa egingo da boto-emaileen artean.
Establezimendu parte-hartzaileak
Aurten, herriko 23 taberna eta jatetxek hartuko dute parte Jan Alai lehiaketan. Ondorengoak dira:
- Batzoki
- Bar Zelaieta
- Oasis Taberna
- Ortzimuga Taberna
- Bar Ría de Vigo
- Cafetería Venecia
- Guria Taberna
- Autzagane Jatetxea
- Boroa Jatetxea
- Goizeder
- La Viña
- Bar Brasil
- Hotel Harrison
- Bar Propi
- Txiri Txiri Taberna
- El Cojo Jatetxea
- Leku Berri
- Kafe Aspaldiko
- La Amistad
- Singing Munch
- Taberna Lagunak
- Far Far
- Antxeta by Taberu
Tokiko kontsumoa dinamizatzeko lehiaketa
“Jan Alai lehiaketa aukera bikaina da Amorebieta-Etxanoko ostalaritza sektorea dinamizatzeko, gure taberna eta jatetxeei euren sormena eta talentua erakusteko aukera eskainiz. Horrelako ekimenen bidez, tokiko kontsumoa sustatzea eta gure herritar eta bisitarientzat esperientzia gastronomiko berriak sortzea bilatzen dugu”, adierazi du Ainhoa Salterain alkateak.
