Dantzaldiak igandero egingo dira Plateruenan, 18:30etik 20:30era, 2026ko maiatzaren 31ra arte
DURANGO | Durangoko Udaleko Adinekoen Arloak, aurten ere, “Dantzaz Dantza” programa jarri du martxan, udalerriko adinekoei zuzendutako aisialdi osasungarri eta sozializatzailearen proposamen gisa.
Dantzaldiak igande honetan, azaroak 9, hasiko dira eta igandero egingo dira 2026ko maiatzaren 31ra arte, Plateruena kultur gunean, 18:30etik 20:30era.
Saio bakoitzean dinamizatzaile bat izango da, eta DJ bidezko zuzeneko musikarekin girotuko du arratsaldea, dantza, musika eta konpainiaz gozatzeko giro abegitsu eta parte-hartzailea sortuz.
Durangoko Udalak adinekoak ekimenean parte hartzera gonbidatzen ditu, ongizatea sustatu, harreman sozialak indartu eta zahartze aktiboa bultzatzen duelako.
