Asun Lópezek jaso du “Durango Sari Berezia 2025”, herriko kulturarekiko duen konpromisoagatik
DURANGO | Aurten ere bere saririk esanguratsuenak, Durango Sariak, banatuko ditu, udalerriko bizitza eta herriaren balioak aberasten aktiboki laguntzen dutenen lana saritzeko.
2025eko edizio honetan, apirilaren 10ean amaitu zen parte-hartze prozesuaren ondoren, saritutako pertsonen eta erakundeen izenak argitaratu dira dagoeneko.
Durango Sariek kirola, kultura, euskara, berdintasuna eta gizarte lana bezalako esparruetan egindako dedikazioa saritzen dute. Gainera, herritarrek zuzenean aukeratutako sari berezi bat ematen da partehartu.durango.eus plataforma digitalaren bidez.
Hauek dira edizio honetan saritutako pertsonak eta erakundeak:
- Kirol arloan: Helena Barrenetxea, bere ibilbideagatik eta tokiko kirolari egindako ekarpenagatik.
- Kultur arloan: Durangaldeko Artisten Elkartea, artea eta kultura etengabe bultzatzen dituelako.
- Gizarte arloan: Herria Auzo Elkartea, kohesio eta dinamizazio komunitarioko lanagatik.
- Euskararen sustapenean: Durangoko Azoka, euskararen defentsan eta sustapenean erreferentea delako.
- Berdintasunaren sustapenean: Tabirako Saskibaloi Taldea, kirolean berdintasunaren alde egiten duen apustuagatik.
Gainera, herritarrek www.partehartu.durango.eus atariaren bidez bozkatuta, Urrike liburu-dendako Asun Lópezek jaso du Durango Sari Berezia, 306 boto jaso ditu, tokiko kulturarekin duen konpromisoa aitortzeko.
Sari banaketa maiatzaren 8an izango da, arratsaldeko 19:00etan, San Agustin Kultur Gunean. Ekitaldira joateko gonbidapenak Durangoko Arte eta Historia Museoan jaso ahal izango dira apirilaren 30etik aurrera.
Durangoko Udalak herritar guztien inplikazioa eskertu nahi du prozesu honetan, eta zorionak eman nahi dizkie saritutako pertsona eta kolektiboei, espiritu durangarraren benetako erreferenteak baitira.
