Tenperaturak ez du aldaketarik izango, edo gutxi igoko dira
EGURALDIA | Ostegunaren lehenengo partean iparraldean zerua hodeitsu egongo da eta euri txikia egingo du noizbehinka, batez ere kostaldean. Arratsaldean atertzera egingo du eta ostarteak zabalduz joango dira. Hegoaldean ateri eutsiko dio eta giro eguzkitsua gailenduko da, zerua garbi egon ez arren. Tenperaturan aldaketarik ez edo gutxi igoko da. Egunaren hasieran mendebaldeko haizea ibiliko da, arratsaldean iparraldekoa izango da nagusi eta gauean hegoaldetik finkatuko da.
