DOT Durangaldea

94 655 00 33   info@dot.eus

Zornotzako birziklatzeko enpresa batean gizon baten gorpua aurkitu dute

Ertzaintzak ikerketa hasi du aurkikuntza hori argitzeko

Batzorde Judizial bat bertaratu da

AMOREBIETA-ETXANO | Gaur, osteguna, goizean, gizon baten gorpua aurkitu dute Amorebieta-Etxanoko hiri-hondakinak sailkatzeko planta batean. Ertzaintzak ikerketa hasi du aurkikuntza hori argitzeko eta heriotzaren arrazoiak zehazteko.

Goizeko bederatziak baino lehentxeago, hiri-hondakinak birziklatzen dituen enpresa batek Ertzaintzari jakinarazi dio edukiontziak biltzeko kamioi bat deskargatu ondoren gorpu bat egon daitekeela. Durangoko ertzain-etxeko herritarrak babesteko patruilak eta medikuak bertaratu dira, eta aurkitu duten pertsona hilda zegoela egiaztatu dute.

Batzorde Judizial bat bertaratu da. Durangoko Guardiako Epaitegiko Instrukzioko epaileak eta auzitegiko langileek osatzen dute, eta Ertzaintzaren ikerketa zuzentzen du, gorpuaren nortasuna zehazteko eta gertakariak argitzeko.

Utzi zure iruzkina

Zure e-posta helbidea ez da argitaratuko. Beharrezko eremuak * markatuta daude

This site uses Akismet to reduce spam. Learn how your comment data is processed.

Scroll to Top