Elur kota 1.000/900 metrotan kokatuko da gauean
EGURALDIA | Negu itxurako eguraldiarekin jarraituko dugu asteartean. Zerua oso hodeitsu egongo da eta zaparradak botako ditu, sarriago eta indar handiagoz Kantauri isurialdean; han euria oso ugaria izango da berriro eta trumoi-ekaitza eta txingorra izan daitezke noizbehinka. Elur-kota 1000 metrotik gora egongo da hasieran, baina gauean 1000 metro inguruan kokatuko da. Ipar-mendebaldeko haize zakarra, batez ere kostaldean eta goizaldean. Tenperatura maximoak, 10 ºC-tik beherakoak hegoaldean, 10 eta 12 ºC artekoak iparraldean.
