Egutegia 12 argazkiz osatuta dago, Uztargi.klik argazkizale elkarteak egindakoak
AMOREBIETA-ETXANO | Datorren urtarrilaren 7tik aurrera eskuragarri egongo dira berriro Amorebieta-Etxanoko 2026ko egutegiak. Lehen aleek izandako arrakasta ikusirik, Amorebieta-Etxanoko Udalak beste 1.500 ale banatuko ditu, Zelaieta Zentroko harreran. Urtero bezala, horma-egutegia elebiduna da (euskaraz eta gaztelaniaz) eta diseinu argia eta jaiegunak markatuta ditu.
Hileroko irudiak herriko Uztargi.klik argazkizale elkarte zornotzarrak egin ditu eta udalerriko txoko, une eta giro desberdinak batzen jakin du, gertuko begirada artistiko batetik. Horrela, hamabi hilabeteetan zehar, egutegiak Amorebieta-Etxanoko ibilbide bisuala eskaintzen du.
