Termometroak uda-sasoiko balioetara irits daitezke
EGURALDIA | Ostegunean ere eguzkia izango da jaun eta jabe, eta aurreko egunean baino gehiago berotuko du. Oskarbi egongo da, eta arratsaldetik aurrera goi-hodei batzuk soilik agertuko dira. Goizean-goiz lainogune batzuk ager daitezke, baina ez dira asteazkenekoak bezain trinkoak eta iraunkorrak izango. Haize ahul eta aldakor ibiliko da, eta arratsaldean ipar-ekialdekoa nagusituko da. Minimoak freskoak izan arren, maximoek gora egingo dute eta termometroak uda-sasoiko balioetara irits daitezke.
