Gaurko ez dira baztertzen 20 gradu inguruko tenperaturak dituzten tanta batzuk
EGURALDIA | Iraileko azken egunak udazkeneko eguraldiarekin, hodeiekin, ostarte batzuekin eta gaur astelehena tanta batzuk baztertu gabe. Horiek guztiak 20 gradu inguruko tenperaturarekin, hau da, aldaketa handirik gabe.
Astelehena, tanta batzuk
Astelehenean hodeiak ostarteei gailenduko zaie. Kasu honetan behe-hodeiak izango dira, eta batez ere Kantauri isurialdean pilatuko dira. Baliteke hodei horiek tanta batzuk uztea, ipar parteko zenbait puntutan goizean eta eguneko erdiko orduetan. Tenperatura maximoak apur bat jaitsiko dira eta 20-22 ºC-ren bueltan ibiliko dira; Nafarroa hegoaldean zertxobait altuagoak izango dira. Ipar-mendebaldeko eta iparraldeko haizea ibiliko da.
Martitzena, eguzkitsuago
Asteartean giro eguzkitsuagoa, batez ere eguerditik aurrera. Egunak aurrera egiten duen heinean ostarteek gero eta leku handiagoa hartuko dute, eta giroa aurreko egunetan baino eguzkitsuagoa izango da. Haizea ahul ibiliko da, eta goizean iparraldetik finkatuko da. Tenperaturan ez da aldaketa handirik espero.
