Arratsaldean zaparradak tartekatuagoak eta ahulagoak izango dira
EGURALDIA | Negu beteko eguraldia: hotza eta elurra. Elur-kota, oro har, 200-400 m artean egongo bada ere, goizean goiz maila baxuagoan ere zurituko du. Prezipitazioa ugariagoa izango da Kantauri isurialdean eta goizean eta bertan trumoi-ekaitzak jo eta txingorra egin dezake. Arratsaldean zaparradak tartekatuagoak eta ahulagoak izango dira. Giroa hotza izango da eta ipar-mendebaldeko haizea finarekin sentsazio termikoa are baxuagoa izango da; goizean haizea boladaka gogor ibiliko da.
