Herriko hainbat kirol taldetan diharduten emakumeen ahotsak jaso dira
ELORRIO | Pasa den larunbatean Emakumeen Nazioarteko Eguna aldarrikatu zen eta horren harira egitasmo eta jarduera ezberdinak antolatu dira eskualdean zehar. Elorrion, adibidez, ‘Mugak gaindituz kirolaren bitartez’ dokumentala aurkeztu berri dute.
Kirola da emakume eta gizonen artean genero-berdintasuna lortzeko esparru garrantzitsuenetako bat. Elorrio herri kirolari eta kirolzalea izanik, herriko hainbat kirol taldetan diharduten emakumeen ahotsa jaso gura izan du Udalak; jokalarienak, eta baita sustatzaileenak ere”.
12 minutuko bideoan zazpi elkarrizketatuek hainbat galderari erantzuten diete. Hala nola, nolatan aukeratu zuten jarduera hori, ze onura dakarkien, ze zailtasunekin egin duten topo bidean eta nola ikusten duten etorkizuna.
Saioa Gomez Lasagabaster, Celia Oliveira Ferreira, Naroa Buruaga Felipe, Kattalin Fernandez Arruabarrena, Wude Zabarte Buruaga, Jone Ugaldea Barrutia eta Naiara Ruiz Uribarren dira dokumental honetako protagonistak.
Esteka honetan dago dokumentala ikusgai.
