Minbiziaren aurkako II. Bizkaia Bike ekimenean kokatuta, Askondon hasiko da bi ibilbiderekin
IURRETA | Bizkaiko Minbiziaren Aurkako Elkarteak Minbiziaren aurkako II. Bizkaia Bike antolatu du, prostatako minbiziari aurre egiteko lehiarik gabeko lehen lasterketa birtuala. Iurretak bigarren urtez jarraian parte hartuko du, bi ibilbiderekin.
Ekimen solidario, ludiko, parte-hartzaile eta ez-lehiakor hau Bizkaian egingo da azaroaren 14tik 23ra bitartean, eta Iurretan igande honetan, azaroaren 16an, 12:30etatik aurrera ospatuko da. Banaka edo taldeka egin daiteke, errepidean, mendian, gimnasioan edo etxetik. Bakoitzak nahi duen distantzia, ibilbidea eta ordutegia egiten ditu. Bakoitzaren erronka pertsonala 10, 20 edo 50 km artean egitea da.
Iurretak bat egin du ekimen horrekin, eta topaketa bat antolatu du Askondon, Iurretatik erronkari ekiteko, prostatako minbiziaren aurrean pedalei eragiteko. Izan ere, gizonetan ohikoena den minbizia da, tumore mota hori gehiago ikertu behar da eta garrantzitsua da detekzio goiztiarreko programa bat ezartzen aurrera egitea.
Bi ibilbide izango dira, bata laburra eta bestea luzea, adin guztietarako, Iurreta eta Amorebieta-Etxano arteko bicipistatik, taldeka. Ibilbide laburra 10 kilometrokoa izango da eta luzea 20 kilometrokoa. Biak elkarrekin iritsiko dira helmugara.
Kilometroen batura #bizkaiakontraelcancer traolarekin partekatuko da sare sozialetan.
Iurretako Udaletik Minbiziaren aurkako II. Bizkaia Bikeko kilometroetan parte hartzeko eta pedalei eragiteko deia egin dute.
