Trafikoa eten egingo da N-634 errepidean, 14:15 eta 15:00 artean gutxi gorabehera, Euskal Herriko Itzulia igaroko baita bertatik
DURANGALDEA | 2025eko Euskal Herriko Itzulia dela eta, bihar, apirilaren 10ean, osteguna, Durangaldeako errepideetatik igaroko da txirrindularitza proba bere 4. etaparekin eta horrek trafikoan eraginak izango ditu.
N-634 errepidearen trafikoa 14:15etatik 15:00etara (ordu orientagarriak) artean moztuko da. Udalerrira sartzeko, Durangoko bidesarea erabil daiteke. Errepide horretan, baliteke auto pilaketak sortzea, batez ere txandakako aldaketaren ondorioz. Errepide nagusitik etorritako gidariek itxaron egin beharko dute, errepidea itxita egongo baita.
Txirrindulari lasterketak trafiko-mozketak eragingo ditu Elorrioko sarrera eta irteeran, 13:30etik 15:00era bitartean. Elgetatik Berrizerako norantzan pasako da tropela, Elorrioko herrigunea zeharkatuz.
Itzuliaren laugarren etapa, Beasain eta Markina artekoa, Elorriotik igaroko da ostegun eguerdian. Julian Ariño, Elizburu, San Pio eta Ibarra kaleak zeharkatuko ditu, ordena horretan. Horregatik, 13:30etik 15:00era bitartean ibilgailuen zirkulazioa etenda egongo da gune horietan, baita Elgeta eta Berrizekin konektatutako sarrera eta irteera errepideetan ere.
