Lauaxeta Ikastolako ikasleek eraginkortasun energetikoaren erronkari aurre egin beharko diote, gobblins modalitatean, beraiek eraikitako auto elektriko eta jasangarri batekin lehiatuz
Txapelketa igande honetan izango da Zornotzan
AMOREBIETA-ETXANO | Igande honetan, maiatzaren 19a, Amorebieta-Etxanora helduko da “Greenpower Bridgestone Hiri Zirkuitua”, gazteen artean mugikortasun iraunkorrarekin eta berrikuntza teknologikoarekin duen konpromisoagatik nabarmentzen den ekitaldia.
Horrela, igandean Nafarroa kalean egingo den hitzorduak, Goblins modalitatean ibilgailu elektrikoak diseinatu, eraiki eta martxan jartzeko ikasle gazteen trebetasuna frogatuko du.
«Greenpower Bridgestone Hiri Zirkuituan» eta, zehazki, modalitate horretan, garaipena ez da azkartasuna, baizik eta parte-hartzaileek ahalik eta distantziarik handiena egiteko duten gaitasuna, beren ibilgailuen bateria agortu gabe. Berezitasun horrek gidatze eraginkorra eta energia-erabileraren optimizazioa sustatzen ditu, eta irizpide horiek ezinbestekoak dira ekitaldi honek sustatzen dituen jasangarritasun-politiketan. Izan ere, lehiaketak ibilgailurik azkarrena saritzeaz gain, eraginkorrena eta jasangarriena dela erakusten duena saritzea du helburu, taldeek beren ibilgailuen errendimendua optimizatzeko duten gaitasuna frogatuz, motor elektrikoaren eta baterien mugen barruan.
Egutegia
Maiatzak 19 | Amorebieta-Etxano | 10:00-14: 00 | Goblins
Ekainak 2 | Barakaldo – Herriko plaza | 10:00-14: 00 | Goblins
Ekainak 16 | Durango | 10:00-14: 00 | f24/f24+
Lauaxetaren parte-hartzea
Amorebieta-Etxanoko Lauaxeta Ikastolako batxilergoko 2. mailako 27 ikaslek parte hartuko dute igandean, bi taldetan banatuta.
Lauaxeta Ikastolak, 2020az geroztik, batxilergoko ikasleekin lantzen du proiektu hau, nahiz eta lehen nozioak DBHko 4. mailan jasotzen dituzten. Ikasturte horretan, proiektua aurkezten zaie eta hura arautzen duten baldintzak eta arauak azaltzen zaizkie. Lehenengo kontaktu gisa, ikasturte honetako teknologiako ikasleek ibilgailu elektrikoaren txasisa muntatuko dute.
Batxilergoko 1. mailan, ikasleek gehiago sakontzen dute proiektuan, gai mekanikoak, elektrikoak eta elektronikoak jorratuz. Txasisaren muntaketaz gain, kanpoaldearen diseinua egin eta garatu behar dute, zirkuitu elektrikoa ulertu eta martxan jarri, sortutako arazoei irtenbideak bilatu… Gainera, proiektua aurrera eraman ahal izateko, ikastolaren baliabideetatik haratago, kanpoan laguntza bilatzera behartuta daude. Horretarako, marketin-plan bat garatu behar dute, beren proiektuari buruzko informazioa zabaltzeko eta babesleen laguntza ekonomikoa eta teknikoa jasotzeko.
Azken ikasturtean, jarraipena eman diote proiektuari, kasu honetan, ikerketaren, garapenaren eta berrikuntzaren ikuspegitik.
Aurten proiektua DBHko 4. mailan eta batxilergoko 1. eta 2. mailetan landu den arren, azken mailako ikasleek (27 ikasle guztira) lehiaketan parte hartuko dute. Hala ere, datorren ikasturteari begira, 4 taldek parte hartuko dute batxilergoko 2. mailan eta beste 4k lehen mailan. Gainera, DBHko 4. mailako teknologiako ikasleek ere parte hartuko dute azaldutako prozesuan.
Greenpower Iberia
«Greenpower Bridgestone Hiri Zirkuitua» hezkuntza-programa bat da, eta Bridgestonek babesten du. Bridgestone aitzindaria da munduan, irtenbide aurreratuetan eta mugikortasun iraunkorrean, eta Alfonso Libano Firestone fundazioarekin, Bizkaiko Foru Aldundiarekin, tokiko udalekin (besteak beste, Amorebieta-Etxanoko Udalarekin) eta Enekuri Motor eta Autonervión ibilgailuen emakidadunekin batera.
Ekimena nabarmen hazi da parte-hartzeari dagokionez hasieratik, eta udalen arteko lankidetza-ahalegina islatzen du.
