Estropezu egin arren, durangarrak sailkapeneko altuenetan mantentzen dira
SASKIBALOIA | Tabirako Baquek ezin izan zuen zazpigarren garaipena jarraian lortu eta Donostiako Easoren aurka galdu zuen (79-63). Emaitza honen ondoren, lidergoan jarraitzen du, sei garaipen eta bi porrotekin.
Durangarrak ezinean aritu ziren gipuzkoarrekin. Hasiera parekatu baten ondoren (20-17), atsedenaldian puntu gutxiko abantaila zuten etxekoek (37-34). Bigarren zatian, hirugarren laurden parekatu baten ondoren (56-49), azken partzialean partida apurtu zen, non Easo hobeto aritu zen. Tabirako oso gaizki aritu zen hiruko marratik, % 13 eskas asmatu baitzuen (29tik 4). Errebotean, etxekoek 55 hartu zituzten, 42 bisitarien ordez.
Xabi Arroitajauregui izan zen saskiratzaile nagusiak, 24 puntu eta 10 erreboterekin, eta ondoren Markel Aranzabal, 17 puntu eta 8 erreboterekin.
Hurrengo jardunaldian, Tabirakok Santurtzi hartuko du, hirugarren sailkatua, larunbatean 19:00etan Landako kiroldegian.
