Gaur elur-kota 700-800 m-ra jaitsi daiteke
EGURALDIA | Gaur giroa hotza eta ezatsegina izango da. Egunaren lehen partean zaparradak sarri botako ditu; arratsaldean, aldiz, giroa lasaiagoa izango da eta aterruneak luzatu egingo dira. Elur-kota 700-800 m-ra jaits liteke, eta baliteke Ipar Euskal Herrian eta Nafarroa ekialdean apur bat beherago egotea; arratsaldean 900-1000 m ingurura igoko da. Iparraldeko haizea zakar samar ibiliko da, bolada gogorrekin, eta hotz sentsazioa areagotuko du. Tenperaturari dagokionez, atzokoaren antzekoa edo apur bat baxuagoa izango da, eta baliteke Araban eta Nafarroan izotza egitea.
