Durangarrak Askartzara joango dira gaur arratsaldean (20.15ean)
BALONCESTO | Tabirako Baqueko Emakumezkoen 1. Nazional mailako taldeak Easo talde donostiarrari irabazi zion, aurkari zuzena eta “basket average” a 80 eta 70 irabaziz. Hamar garaipen eta beste horrenbeste porrotekin jarri da ligan txapelketa amaitzeko sei jardunaldi falta direnean.
Durangarrek partida bikaina jokatu zuten gipuzkoarren aurka. 20-18 irabazten hasi ondoren, bigarren partzialean gauzak berdindu egin ziren (33-35). Hirugarren partzialean, Landakoko kiroldegikoek berriro ere markagailua irauli zuten (55-47) eta garaipena lortu zuten hamar puntuko errentagatik. Kafeontziek ehuneko handi bat sinatu zuten hiruko tiroetan ( % 37).
Saskiratzaile nagusiak Elene Sarasua (23 puntu eta 4 errebote), Bineta Sane (14 puntu eta 8 errebote), Mireia Elexpe (9 puntu) eta Maier Mardaras (8 puntu) izan ziren. Tabirakok Askartzaren aurka neurtuko ditu indarrak asteazken honetan, 20:15ean.
