Durangarrak nagusitu ziren, norgehiagoka bikaina eginez
SASKIBALOIA | Tabirakoren Emakumezkoen 1. Nazional mailako taldeak, Gabonetan Kopako txapeldunorde izan ondoren, sasoi bikainean jarraitzen du eta urteko lehen partidan Araskiri irabazi zion (70-58). Emaitza honekin, zortzigarren jarri da ligan 5 garaipen eta 7 porrotekin.
Talde durangarrak irabazten hasi zuen lehen laurdena (23-18) eta atsedenaldira desabantaila txikiarekin iritsi zen (34-35). Aldageletatik igaro ondoren, Tabirakok hirugarren laurden bikaina egin zuen (53-44) eta markagailuan joan zen azken minutuetan errenta mantentzeko, partida bikaina sinatuz.
Bineta Sane (16 puntu eta 13 errebote), Lucía Pérez (14 puntu eta 5 errebote) eta Mireia Elexpe (10 puntu eta 2 errebote) izan ziren saskiratzaile nagusiak.
Tabirakok laugarren sailkatua den Hondarribiari egingo dio bisita larunbat honetan, 19:00etan.
