Maximoak gaur eta bihar 30 inguruan ibiliko dira berriro, baina igandean 22ra jaitsiko dira
EGURALDIA | Beroak eta eguzkiak, oraingoz, orduak zenbatzen zenituela dirudi. Hainbat egunen ostean eguraldi ikusgarria da, nahiz eta hodeiek zerua estali duten kostaldean eguzkiak berotzen utzi gabe, fronte batek hodeiak utziko ditu bihar arratsaldetik aurrera eta batez ere igandean. Gaurko eta biharko tenperatura altuek igande freskoagoa ekarriko dute.
Ostirala, beroa
Aldaketarik ez ostiralerako. Eguna eguzkitsua eta udakoa izango da berriro, baina tarteka zerua hodeitsu agertuko da, behe-hodeiekin. Tenperatura beroa barnealdean, maximoak 30 ºC @-@tik gora kokatuko dira eta 35 ºC-ren bueltan geratuko dira Ebro bailaran; kostaldean 25 -26 graduren bueltan geratuko dira. Egunaren erdiko orduetan haizea iparraldetik finkatuko da eta arratsaldera begira indartu egingo da, hegoaldean bolada gogorrekin.
Larunbata, txanda
Larunbata antzeko bidetik hasiko dugu; eguraldia eguzkitsua izango da, baina ipar partean behe-hodeiak agertuko dira, batez ere kostaldean. Goizean iparraldeko haizea ibiliko da eta tenperatura maximoak ez dira aurreko egunetan bezainbeste igoko, baina Ebro ibarreko zenbait puntutan 30 ºC-tik gora kokatuko dira. Arratsaldean haizea zakartu egingo da eta hodeiak ugarituz joango dira. Litekeena da egunaren azken orduetan euria egitea, batez ere ipar-mendebaldean.
