Maximoak 20 gradu ingurukoak izango dira bihar eta etzi
EGURALDIA | Otsaileko aste berri batean zerua estalita, euria eta tenperatura oso leunak otsailerako, maximoak 20 gradutik gertu. Ez dirudi asteburura arte hotza eta hego-mendebaldeko haizeak mendebaldeko eta ipar-mendebaldeko haize hotzagoak etorriko direnik.
Astelehena, grisa
Astelehenean giro motela izango dugu. Euria egingo du, baina tarteka. Goizean goiz zaparrada batzuk egingo ditu, baina goizean eta eguerdi aldera aterrune luzeak izango dira. Gero arratsaldetik aurrera zaparradak sarriago egingo ditu, batez ere Kantauri isurialdean, eta bertan, egunaren bukaeran etengabe busti dezake. Hego-osagaiko haizea ibiliko da, baina ez da oso indartsu ibiliko. Tenperaturak gora egingo du eta kostaldetik gertu 15 ºC-ren muga gaindituko dute maximoek.
Martitzena, euria
Asteartean epeltze aldera egingo du, baina euri kontuekin jarraituko dugu. Tenperaturak gora egingo du, bai minimoak, baita maximoak ere, eta kostaldean 20 ºC-ra hurbilduko dira. Gainerakoan ez dugu aldaketa handirik espero eta tarteka euria egingo du; fronteak sartzearekin batera bustiko du, bereziki goizaldean eta goizean goiz eta ondoren, arratsalde-gauean. Mendebaldeko eta hego-mendebaldeko haizea zakar ibiliko da.
