Asteburuan, bederatzi elkartek parte hartuko dute Ate Irekien Jardunaldi hauetan, Durangoko hainbat lekutan
DURANGO | Durangoko Udalak, tokiko elkarteekin elkarlanean, datorren maiatzaren 9an, 10ean eta 11n “PLAZARA!” programaren laugarren edizioa ospatuko du, herriko elkarteen eta boluntarioen lana ikusaraztea helburu duen proiektua, hau herriko plazetara eta kaleetara eramanez.
Udalak ekimen honen aldeko konpromisoa berretsi du, Durangoko elkarte-sarearen aniztasuna eta aberastasuna erakusten duen leiho zabal gisa sendotuz. Helburua argia da: herritarrengana hurbiltzea hainbat pertsonak interesik gabe ongizate komunaren alde egiten duten lana.
“Udaletik eskerrak eman nahi dizkiegu ‘PLAZARA!’ posible egiten duten elkarte eta boluntario guztiei. Proiektu honek beren lana aitortu eta herritarrengana hurbiltzeko asmoz jaio zen, eta urtez urte durangar guztientzako belaunaldi ezberdinen arteko topagune bihurtzen dela ikusten dugu. Herritar guztiak kalera ateratzera eta Durangoko elkarte-sarearen aberastasuna ezagutzera gonbidatzen ditugu.”, adierazi du Paule Sánchez Kultura zinegotziak.
Asteburuan, bederatzi elkarteek Ate Irekien Jardunaldietan parte hartuko dute, Durangoko hainbat lekutan doako jarduerak eskainiz, besteak beste, erakusketak, tailerrak, erakustaldi praktikoak eta kontzertuak.
Egitaraua
Ostirala, maiatzak 9
Ezkurdi plazan, 14:00etatik 18:00etara, DYA elkarteak bihotz-biriketako bizkortze (BBB) eta desfibriladore automatikoaren (DEA) erabilerari buruzko prestakuntza praktikoa emango du.
Ondoren, 17:00etatik 19:00etara baita Ezkursi plazan, Club Freeskatek patinaje erakustaldia eskainiko du.
Larunbata, maiatzak 10
Andra Mari inguruan, 10:00etatik 14:00etara, honako jarduerak egongo dira: Durangoko Pasiñue elkartearen 30. urteurreneko erakusketa oroigarri bat, Asebier elkarteak antolatutako haurrentzako tailerrak, Vicente Zabalaren eskutik Kurutzeaga Bildumako liburuen katalogoaren erakusketa bat, eta JAED elkartearen argazki erakusketa eta informazio mahaia. Minbiziaren Aurkako Elkarteak ere bere informazio gunea izango du.
Igandea, maiatzak 11
Madalena ermitan, 12:00etatik 13:30era, Gerediaga Elkarteak duen online dokumentazioari buruzko azalpenak eta argazki erakusketa izango dira. Aldi berean, Minbiziaren Aurkako Elkarteak berriro informazio mahaia jarriko du Andra Marin, 12:00etatik 14:00etara. 19:00etan, Andra Mari elizan, Durangoko Orfeoia-k Antonio Vivaldiren “Gloria” kontzertua eskainiko du.
Durangoko Udalak herritar guztiak gonbidatzen ditu “PLAZARA!” ekimenean parte hartzera eta herriko elkarteen lana eta konpromisoa gertutik ezagutzera, Durangoko arima kolektiboaren funtsezko parte baitira.
