Euskal sustraiak dituen ospakizun hau hirugarren urtez jarraian berreskuratuko da Durangon
DURANGALDEA | Gero eta jarduera gehiago antolatzen dira urriaren 31rako, Santu Guztien bezperarako, eta gehienok Halloween amerikarrarekin lotzen ditugu; hala ere, Euskal Herrian 50eko hamarkadara arte mantendu zen tradizioa da, Arimen Gaua edo Gau Beltza eta Gaba Baltza izenekin.
Hauek dira eskualdeko egitarauak:
Urriak 31
17:00-20: 00: LUDOTEKAN: Photocall eta «Ziria eta Saria» (Ludotekan argazki mural bat sortuko da Euskal Herriko Arimen Gauaren mozorro batekin datozenekin)
17:30-19: 30: ZELAIETAKO KARPAN: Tailerrak: Gaztainentzako kandelak eta saskiak.
17:30-19: 30: GAZTE TXOKOAN: Makillaje txokoa.
19:30: ZELAIETAKO KARPAN: ESNA GAZTE DISKOFESTA.
19:30-21: 30: GAZTE TXOKOAN +: Zaurien tailerra.
20:00: Gau Beltza desfilea.
Azaroak 1
BELDURREZKO PASARTEA: Zelaietan
19:00-20: 00: 2015ean jaiotakoentzat.
20:00-21: 00:11 eta 13 urte bitartekoek lehentasuna izango dute.
21:00-22: 00:14-16 urtekoek lehentasuna izango dute.
22:00-22: 30:16 urtetik gorakoek lehentasuna izango dute.
Gaur, urriak 31, Durangok Gaba Baltza hartuko du hirugarren urtez jarraian, Gau Beltzari edo Arimen Gauari lotutako tradizio zaharrak berreskuratu eta berrasmatu nahi dituen euskal sustraidun ospakizuna. Ekimen hau Durangoko Hezkuntza Foroak bultzatu du, familien, ikastetxeen, kultur elkarteen eta Udalaren laguntzarekin, eta Halloween alternatiba lokala, parte-hartzailea eta euskalduna proposatzen du.
Gaba Baltza saioa 19:30ean hasiko da Tabirako San Pedro elizatik abiatuko den kantu eskea batekin. Haurrak eta familiak herrian zehar ibiliko dira arropa zaharrez, zaku birziklatuz eta lastozko kapeluz mozorrotuta, kantuan eta gozokiak edo eskaintzen zaiena eskatzen.
Santa Ana, Pinondo, San Agustin eta Ezkurdi zeharkatu ondoren, segizioa Andra Mari elizpean amaituko da, eta azken kantu kolektibo batekin itxiko da erronda.
20:00etan, ikuskizun eszenikoa izango da Santa Ana plazan, Kriskitin dantza taldearen eta Karrika Antzerki Taldearen partaidetzarekin. Euria egiten badu, ikuskizuna Andra Mari elizpearen azpian egingo da.
Gozategi taldearen kontzertuarekin amaituko da gaua, 22:00etatik aurrera Plateruenan.
Berrizko Udalak Arimen Gaua antolatu du urriaren 31rako, euskal tradizioak berreskuratzeko eta haur eta gazteen parte-hartzea sustatzeko.
Lehenengo tailerra irekia izango da eta 17:30etatik 19:00etara izango da Olakueta plazan. 6 eta 10 urte bitarteko haurrei zuzenduta, Gaba baltzarako anfitazak egingo dira. Parte-hartzaileek Gau Beltzaren espirituan inspiratuta euren antifazak sortzeko aukera izango dute.
Eta 19:30etatik 20:30etara Kultur Etxe zaharrean (Arkaraz, 2) gauerako faroltxoak egiteko tailerra izango da. Oraingo honetan tailerra 8 urtetik gorako gazteentzat gomendatzen da eta plazak mugatuak direnez, izena eman beharko da. Kartelean eta webgunean dagoen QRaren bidez egingo da, eta esteka honetan, urriaren 30eko 12:00ak arte.
16:30 Ginkana.
17:30 Kalabazak hustu eta aurpegiak margotu (bakoitzak bere kalabazak, tresnak eta jantziak ekarri behar ditu etxetik). Aldi berean… Photocall plazan
18:30 Iluntasuna piztu… Piztu kalabazak! Suaren inguruan dantzatu! Utzi ikusten! Koplak abestu! Jarraian herrian zehar dabil kantari.
Amaitzeko: opila txorizoarekin eta salda beroarekin plazan
20:00etan Madarikaostioak antzerkia!!! Ruben Merkelen eskutik (16 urtetik gorakoentzat) Plazan
