Finala igandean izango da 18:30ean eta aurretik Euskal Pilota Maratoia izango da
DURANGO | Asteburu honetan jokatu dira Ezkurdi Jai Alai pilotalekuan Euskadi, Nafarroa, Iparralde eta Bartzelonako 14 klubetako pilotari onenak biltzen dituen txapelketa beterano honen 2025eko edizioko bi finalerdiak.
Larunbat arratsaldean Gaizka Garat-Salaberry (Donibane Lohitzune) eta Celaya-Iñigo Unda (Markina eta Gernika) bikoteen arteko norgehiagoka jokatu zen. Partida ikusgarrian pelotak zorabiozko abiaduran bidaiatu zuen, baina azkenean ez zen ezustekorik izan eta Celaya-Unda bikote faboritoak eskuratu zuen finalerako postua.
Igandean, Amets Aldazabal-Atain (Berriatua eta Markina) gazteak ikusi ahal izan zituzten ikusleek, toledoko Javier Urrutia eta-Oierdi gernikarraren aurka. Faborito argiak ziren Amets-Atain eta partida luze eta gogorra izan zen, tanto borrokatuekin, baina azkenean sorpresa egon zen eta irabazle suertatu ziren, Javier Urrutia-Oierdi eta beraz finalerako sailkatuak.
Datorren asteburuan, beraz, Celaya-Unda eta Javier-Oierdiren arteko final handia jokatuko da, baina, aurretik, Ezkurdi Jai Alai pilotalekura hurbiltzen direnek Euskal Pilotari eskainitako jardunaldi oso bat gozatu ahal izango dute Euskal Pilota Maratoiarekin, 16:30ean eskupilotarekin hasita, pelotari durangarren arteko lehia batekin, eta, ondoren, emakumezkoen pala partida bat, elorrioko Hori hori elkarteko neskekin. Zesta puntako Finala 18:30 aldera hastea espero da, eta, ondoren, sari banaketa egingo da topaketaren amaieran.
