Ekitaldia arratsaldeko 19:00etan hasiko da Ixerbekoa Kiroldegian, eta guztira 10 lehia jokatuko dira
AMOREBIETA-ETXANO | Datorren larunbatean, irailak 20, Ixerbekoa Kiroldegia boxeozalez beteko da, izan ere, bertan ospatuko da Zornotza Boxeo Gaua. Ekitaldia Zornotza Royal Boxing Team eta Lions Fight Klubek antolatu dute, Amorebieta-Etxanoko Udalaren laguntzarekin. Boxeoaren inguruko ikuskizun handia izango da, eta lehiak 19:00etan hasiko dira.
Oraingoan, guztira hamar borrokaldi izango dira, horietatik lau neoprofesional eta sei amateur mailakoak. Gainera, Euskadiko bi tituluren borrokak eta Basque Warriorseko bi gerriko ere lehiatuko dira, eta horrek giroa are gehiago berotuko du.
Zornotza Royal Boxing Teameko hainbat borrokalari ringera igoko dira neoprofesional mailan: Pello Gutiérrez, Carlos Barbosa, Ali Taabate, Ander Blanco, Diego Flores, Reni Arregi, Jon Ander eta Josu Fuertes. Amateur mailan ere ordezkaritza zabala izango da, eta ringera igoko dira: Aner Álvarez, Alain Román, Jonan Ramos, Juan Blanque, Asier Sanvicente, Lucas Azpiri, Giuliano, Adam Amoumi, Emilio Ortiz, Aaron, Josu Espinosa eta Acer Begoña.
Sarrerak dagoeneko salgai daude Zornotza Royal Boxing gimnasioan. Zalantzarik gabe, gau berezia izango da, tokiko kirolariei babesa emateko, horrenbestez, Udalak herritar oro animatzen du jardunaldiaz gozatzera.
