Tenperatura maximoek behera egingo dute, batez ere Kantauri isurialdean
EGURALDIA | Asteazkenean argitzeko joera hartuko du eguraldiak. Egunaren lehen zatian, bereziki goizaldean eta goizean goiz, zerua lainotuta egongo da eta oraindik ipar partean euri txikia egingo du. Egunak aurrera egin ahala argitzera egingo du, ostarteak gero eta zabalagoak izango dira, eta arratsaldea, oro har, eguzkitsua izango da. Egunaren hasieran haizea iparraldetik sartuko da, baina eguerdi aldera aldakor geratuko da eta arratsaldean hego ukitua hartuko du. Tenperaturak bere horretan jarraituko du, edo agian apur bat gorago.
