Tenperaturak 30 gradu inguru ibiliko dira gaur
EGURALDIA | Gaur, asteazkena, tenperatura igo egingo da eta giroa eguzkitsua izango da. Tenperatura maximoak nabarmen igoko dira, bereziki barnealdean, bertan balio altuenak 30-33 ºC-ra hurbilduko dira, kostaldean 25-27 ºC ingurukoak izango dira. Goizean goiz barnealdeko zenbait lekutan lainoa sortu da, baina laster desagertuko da eta oskarbi geratuko da. Ipar-ekialdeko haizea ibiliko da, arratsaldean kostaldean eta hegoaldean bolada gogor batzuekin.
