Hego-ekialdeko haizea indartu egingo da, bolada oso gogorrekin egunaren amaieran
EGURALDIA | Asteartean zerua hodeitsuago egongo da. Kostaldean erdi mailako hodeiak eta goi-hodeiak izango dira nagusi eta ateri eutsiko dio. Barnealdean, batez ere Mediterraneo isurialdean, hodei trinkoagoak agertuko dira eta zaparrada batzuk botako ditu, bereziki hego-ekialdean; zenbait lekutan euria sarri egin dezake. Hego-ekialdeko haizea indartu egingo da, bolada oso gogorrekin egunaren amaieran. Kantauri isurialdeko tenperatura maximoek gora egingo dute, hegoaldeko altuenetan aldaketa handirik ez, toki batzuetan gutxi jaits daitezke.
