Durangaldeko Elkarte Artistikoak igande honetan ospatu du sari banaketa
DURANGO | Joan den abenduaren 15ean, Ezkurdi aretoak hartu zuen Durangaldeko Gazteen VIII. Arte Lehiaketako sari banaketa. Bertan, aurkeztutako lanen kalitatea, sormena eta aniztasuna nabarmendu ziren. Parte-hartze historikoarekin, lehiaketa gazteen garapen artistikoa sustatzeko
plataforma garrantzitsua bihurtu da eskualdean.
Aurten, lehiaketako epaimahaia, Durangaldeko Arte Elkarteko kideek osatua, 45 lanen artean onenak aukeratzeko erronka izan zuen. Azkenean, sarituak honakoak izan ziren:
Sarituak:
• 1. saria: Ane Elguezabal Zalba, “La explosión del silencio”.
• 2. saria: Xabat Agirre Capelo, “Zergaitik?”.
• 3. saria: Unai Blanco Castillo, “1974ko uda”.
• Sari Berezia: Ane Astobiza Zarandona, “Orkidea”.
Horrez gain, epaimahaiak 10 aipamen berezi eman zizkien originaltasunagatik eta kalitate artistikoagatik nabarmentzen diren lan hauei:
1. Eider González Bustillo, “Un día en París”.
2. Ane Falagan Muñoz, “Observación de una caída”.
3. Elaia Peña Sánchez, “Sin título”.
4. Leire Marcos Altuna, “Oroitzapen leihoa”.
5. Elena Solana Aresti, “Lizzy”.
6. Nino Khizanishvili, “Rostros entrelazados”.
7. Nicole Teles González, “La melodía del pato”.
8. Maddi Etxebarria, “Hortzak”.
9. Paule Urionaguena Vasco, “Urdina”.
10.Eider Garitagoitia Nomani, “Dance at Sunset”.
Horrez gain, Elkarteak Parte-hartze Saria eman zien gainontzeko parte-hartzaile guztiei, haien ahalegina eta konpromisoa aitortuz. Sari honek gazte bakoitzaren ekarpena baloratzen du, eta haien lanak Durangaldeko gazteen arte panoramaren aberastasunaren parte dira.
Erakusketa
Lehiaketako lanak abenduaren 6tik 15era bitartean egon dira ikusgai Ezkurdi aretoan, eta publikoak ordu desberdinetan gozatu ahal izan du erakusketaz. Erakusketa honek aukera paregabea eskaini du eskualdeko eta inguruko gazteen talentua ezagutzeko.
Bisitarien artean egindako zozketa
Erakusketaren inguruan egindako jardueren barruan, erakusketara hurbildu ziren bisitari guztien artean Dendak Bai-ko 50 €-ko bonu bat zozketatu zen. Ekimen honen helburua, arte gaztea sustatzeaz gain, publikoak erakusketa aretoetara hurbiltzea eta bertako arte plastikoa ezagutzea izan da.
Aniztasuna eta gazteen parte-hartzea
Lehiaketan 45 parte-hartzaile izan dira, eta horietatik %78 emakumeak izan dira, adin tartea 12 eta 18 urte bitartekoa izanik. Parte-hartzaileen jatorria lehiaketaren eskualde mailako irismena erakusten du: Durango (%53), Abadiño (%16), Berriz (%9), Mañaria (%7), besteak beste.
