Bereziki pentsio txikiak dituzten adineko emakumeei eragiten dieten egiturazko desberdintasunetan zentratua dagoena
ABADIÑO | Udal talde jeltzaleak politika sozial sentikor eta eraginkorra defendatzen du, bereziki pentsio txikiak dituzten adineko emakumeei eragiten dieten egiturazko desberdintasunetan zentratua dagoena Abadiño, 2025eko ekainaren 2an. Abadiñoko EAJ-PNVren udal taldeak luzaroko langabetuei eta emakume pentsiodunei zuzendutako diru-laguntza lerro bat ezartzea proposatu du, kasu askotan familiak eta etxea zaintzeagatik kotizatu gabeko lan ibilbideetatik eratorritako gutxieneko pentsioekin. Laguntza hauen helburua da inflazioaren ondorioak eta familia askok egunez egun aurre egin
behar izaten dieten zailtasun ekonomikoak arintzea.
Baldintza bateragarriak:
– 2025eko urtarrilaren 31n pentsiodun (pentsio kontributiboa edo ezkontributiboa) edo langabetu izatea
– Diru-sarrerak Bermatzeko Errentaren (DSBE), Bizitzeko Gutxieneko Sarreraren (BGD) edo Gizarte Larrialdietarako Laguntzen (GLL) titularrak
– Abadiñon erroldatuta egotea
Mikel Garaizabal Abadiñoko Udaleko bozeramaile jeltzaleak adierazi duenez, EAJPNVk “gizarte-politika sentikor eta eraginkorra defendatzen du, gehien behar dutenengana iritsiko dena eta egiturazko desberdintasun-egoerak aitortzen dituena, batez ere adineko emakumeei eragiten dietenak, horietako askok pentsio oso baxuak baitituzte, kotizatu gabe etxean eta haien familietan lan
egiteagatik”.
Proposamenak, halaber, eskaera aurkezteko prozedura argia eta eskuragarria jasotzen du, bai eta gehienez ere sei hilabeteko ebazpen-epea ere, aurkezten denetik zenbatzen hasita.
EAJ-PNVk espero du ekimen hau Udalbatzak babestea eta lehenbailehen errealitate bihurtzea. “Ezin dugu beste aldera begiratu hilabete amaierara oztaozta iristen diren Abadiñoko bizilagunak dauden bitartean. Proposamen hori zehatza, bideragarria eta bidezkoa da ”, ziurtatu dute.
