Lehen batzarra gaur bertan izango da Errota Kultur Etxean Gerediagako auzokideekin
ABADIÑO | Toki administrazioa auzotako bizilagunekin duen harremana eta komunikazioa indartzen ari da. Horretarako, legegintzaldi hasieratik auzo-batzarrak egiteko hasi zuen dinamikarekin jarraituz, bilerak egingo ditu hainbat auzotan datozen egunetan. Helburua auzotarren beharrizanak eta proposamenak jasotzea da, abadiñar guztiek nahi duten herria eraikitzeko. Hauek dira lehen batzarretako datak, orduak eta lekuak:
- GEREDIAGA: otsailak 18, martitzena. 18:30ean, Errota Kultur Etxean.
- MENDIOLA: otsailak 19, eguaztena. 18:30ean, Errekatxon.
- GAZTELUA: otsailak 20, eguena. 18:30ean, Gazteluko ermitan.
