Bi eskalatzaile erreskatatu dituzte egun gutxitan
MAÑARIA | Larunbat goizean, Euskadiko Larrialdi Zerbitzuak Untzillaitz gailurreko gune bateraino joan ziren, Atxarteko haitzartearen eta Mañaria udalerri bizkaitarraren artean, 49 urteko eskalatzaile bati laguntzera. Izan ere, eskalatzailea, beste eskalatzaile batekin batera, harkaiztuta geratu zen, jarraitu ezinik. Ertzaintzaren helikoptero bat, Zaintza eta Erreskate Unitateko Mendi Ataleko kideekin, bertaratu zen, eta mendizalea helikoptero-garabi batekin erreskatatu zuten.
Goizeko hamabiak aldera, Sos Deiak 112 Larrialdiak Koordinatzeko Zerbitzuari jakinarazi zioten mendizale batek ezbehar bat izan zuela Untzillaitz tontorreko Diagonal Handian eskalatzen ari zirela, zehazki, Atxarteko haitzartearen eta Mañariaren artean.
Eskalatzailea, beste eskalatzaile batekin batera, hormetariko batean geratu zen, harkaiztuta, jarraitu ezinik, eta laguntza eskatu zuen. Ertzaintzako erreskate-taldeko kideek eskalatzailea bertikaletik ateratzea lortu zuten helikoptero-garabi batekin, eta, ondoren, mendizalea Atxarteko gunera eraman zuten, osasun-egoera onean, bertan baitzuen ibilgailua aparkatuta. Beste eskalatzaileak bere eskalada-ibilbidearekin jarraitu zuen, erreskate-taldeen laguntzarik behar izan gabe.
