Udaletxean goizez eta liburutegian arratsaldez egongo dira eskuragarri astelehenetik aurrera.
ZALDIBAR | Gabonak iristen direnean, Udalak kanpaina bat jarriko du abian datorren astelehenean, abenduaren 2an, herriko establezimenduen jarduera ekonomikoa sustatzeko. Udalak 10 euroko 700 bonu jarriko ditu herritarren eskura. Bonuak udaletxean bertan (goizez) eta liburutegian (arratsaldez) erosi ahal izango dira.
Kanpainaren ezaugarriak honako hauek dira: bizilagun bakoitzak bonu bakarra erosi ahal izango du, eta bonu horiek ezingo dira erabili janaria, edaria edo tabakoa erosteko. Bonuak erabili ahal izateko beste baldintza bat da soilik 20 eurotik gorako erosketetan trukatu ahal izango direla, eta kanpainari atxikitako establezimenduetan: Imendia, Egaña farmazia, Etarte, Maga Bebes, Maderlan, Pili ileapaindegia, Eroski City, Olga bitxiak, Irantzu ileapaindegia, Elisa Ileak ileapaindegia, Ortuzar iturgintza, Gizadi fisioterapia, Zutitu zentroa – Ibon Padilla, Onaindi supermerkatua eta Aho Zaldibar.
Bonu kopurua mugatua da, hau da, abenduaren 2tik aurrera egongo dira eskuragarri, izakinak agortu arte. Udalak 7.500 eurorekin finantzatu du kanpaina.
