Aurten 12.000 zapi banatu dira, 2023an baino hiru mila gehiago
DURANGO | JAEDek jaietako zapien kanpaina baloratu du. Sanfausto hauetan lehenengo aldiz 12.000 banatu ziren, iaz baino hiru mila gehiago. Eta elkartea zapiak agortzear egon da, 11.200 euro saldu ostean, bakoitzak bi euroko prezioan, gaur goizean baieztatu dutenez. “Aurten ere eskerrak eman nahi dizkiogu Durangoko herriari gure jaietako zapia erosteagatik, 11.000 baino gehiago izan baitira. Eskerrik asko, bultzada handia da laguntza bila JAEDera jotzen dutenei estaldura ematen jarraitzeko. Noski, musuzapiak saltzen laguntzen duten establezimendu guztiei eskerrak ematea, zuek gabe ez genukeen lortuko. Datorren urtean laguntzeko interesa duten establezimenduei, mesedez, jar zaitezte gurekin harremanetan», nabarmendu dute astearte honetan JAEDetik.
Hemendik aurrera, JAEDek hurrengo kanpainari begiratzen dio, hala nola ohiko zozketa solidarioaren irekierari eta Gabonetako eta Umetako loteriei.
