Astelehenean ikasle askok zutik joan behar izan zuten eta Iurretako geltokian zeudenak autobusera igo ezinik geratu ziren
DURANGO | 8:10eko 3924 lineako Bizkaibuseko EHUra joaten diren ikasleek ordu horretan busak indartzeko eskatu diote Bizkaiko Foru Aldundiari. Hain zuzen ere, irailaren 23an, astelehenean, ikasle askok zutik egin behar izan zuten ibilbide osoa, eta Iurretako geltokian zain zeudenak autobusera igo ezinik geratu ziren, leku faltagatik. «Bizkaibusek EHUra joateko eskaintzen dituen zerbitzu urriez kexatu nahi dut; zortziak eta hamarrean autobus bakarra ekartzen dute Durangora, eta ez da nahikoa», azaldu du ikasle batek. «Egunero bigarren bus bat jarri behar da ordu horretarako», erreklamatzen du.
