Euskalmetek abisu laranja indarrean mantendu du gaurko maximoengatik
EGURALDIA | Asteartean tenperatura apur bat jaitsi daiteke kostaldean. Eguna beroa izango da oraindik barnealdean, maximoak 30 eta 35 ºC artekoak izango dira, baita apur bat altuagoak ere Ebroko haranaren inguruan. Kostaldean zerua lainotuta egongo da tarteka, behe-hodeiekin, eta maximoak 30 ºC-tik behera geratuko dira. Barnealdean, goizean eta arratsaldeko lehen orduetan eguzkitsua izango da; arratsalde-gauean, bero-hodeiak izango ditugu tarteka, eta, ziurrenik, zaparrada trumoitsu batzuk. Iparraldeko haizea egunaren bigarren partean.
