Araudi berriak EAJren, PSEren eta PPren babesa zuen, eta EH Bilduk eta Herriaren Eskubideak kontra bozkatu zuten
DURANGO | Alkoholaren kontsumoa espazio publikoetan arautzeko ordenantza espezifiko bat ere onartu da. Ordenantza horren helburua da osasun publikoa babestea, ingurunearen garbitasuna eta bizilagunen atsedena bermatzea eta elkarbizitza baketsua sustatzea. Neurri hau Parte Hartu partaidetza-prozesuaren emaitza da, eta bertan parte hartu zuten herritarren %86k ordenantza horren beharra adierazi zuten. Hori horrela, espazio publikoetan alkoholdun edariak kontsumitzea debekatuta egongo da, salbu eta baimendutako ostalaritza-establezimenduetan edo baimen zehatzarekin funtzionatzen duten gune itxietan kontsumitzen denean. Araudia betetzen ez dutenek 100 eta 1.000 euro arteko isunak jaso ahal izango dituzte.
Amaitzeko, Herritar Txartelaren inguruko ordenantza berri bat ere onartu da. Tresna honek hainbat udal zerbitzutarako sarbidea eta identifikazioa ahalbidetuko du, hala nola kirol-instalazioetara, liburutegietara, hondakin organikoaren edukiontzietara, adinekoentzako taxi-zerbitzura eta udalaren kutxazainetan identifikaziora. Etorkizunean, txartel honek beste zerbitzu batzuk ere barne har ditzake.
Erreakzioak
EH Bildu oso kritiko agertu zen ordenantzarekin, “inolako irizpiderik gabe” egin dela azpimarratuz. “Arazo zehatz bati buruz ari gara toki zehatzetan”, adierazi zuen Markel Larruskainek. “Gauza asko nahasten dira, arazoa Santa Marian sortzen den egoera bada, eztabaida zitezkeen, baina ez dut uste ordenantza honen bidez izango denik”, gaineratu zuen. Larruskainek azpimarratu zuenez, “ez gaude zorrotz eginda ez dagoen ordenantza bat onartzeko lanean”. Escotak erantzun zuenez, “arazo hau ez da berria, bizikidetza eta arautua bilatzen dugu, kasu horiek gertatzen diren jakiteko nola jokatu behar den”.
PPren ustez, “premiazkoa eta beharrezkoa da, urteak eman beharko genituzke berarekin”, adierazi zuen Carlos Garcia zinegotziak. “Gizalegearen kontrako jarrerak dira hainbat eremutan, hala nola Santa Marian, eta zarata eta eragozpenak sortzen dituzte”, gaineratu zuen. “Elkarbizitza baketsua hausten duen jokabidea da, beharrezkoa da prebenitzen lan egitea, ez soilik zigortzen. Jorge Varela Herriaren Eskubidea/Independienteak elkarteko bozeramailearen esanetan, isunetatik harago joatea kontzientziazio eta hezkuntza kanpainekin eta elkarlanarekin, elkarlanarekin… “. Izan ere, ordenantza hori ez zelako segurtasun mahaira eraman Gazteria Kontseiluarekin eta eragindako bizilagunekin batera.
(Eztabaida alkoholaren kontsumoari buruzko ordenantzari, 01:51: 13tik aurrera)
