Merkataritza eredu moderno, iraunkor eta herritarrekin konektatu baten aldeko accesita jaso du elkarteak
DURANGO | Durangoko Dendak Bai elkartea accesit batekin aitortua izan da Ekonomia, Merkataritza eta Enpresa Ministerioak ematen dituen Barne Merkataritzako Sari Nazionalen 2024ko deialdian. Sariak, Merkataritza Zentro Irekien (MZI) kategorian, elkarteak egin duen ibilbidea eta merkataritza eredu moderno, iraunkor eta herritarrekin konektatutako aldeko apustua saritzen ditu.
Ekitaldia atzo izan zen, ekainak 10, asteartea, Oviedon, eta bertan izan ziren Alex Palacios elkarte-burua eta Miren Garrastazu merkataritza teknikaria.
Sari berri hau 2021ean lortutako aipamen bereziari gehitzen saio, eta Dendak Bai elkartearentzat urte berezia izan ondoren heldu da: Durango eta Iurretako 200 merkataritza, ostalaritza eta zerbitzu establezimendu baino gehiago biltzen dituen elkarte honen 40. urteurrenaren ospakizuna.
Desberdintasuna
Dendak Bai elkartearen hautagaitza azken urteotan negozioei eta bezeroei balioa ematen dieten zerbitzuak eskaintzearen alde egindako apustu irmoagatik baloratu da, tokiko kontsumoa dinamizatzeko eta erosketa modu berrietara egokitzeko helburuarekin.
Dendak Baik bultzatutako zerbitzu nagusien artean, hauek nabarmentzen dira:
Etxez etxeko banaketa: 2013tik dago eskuragarri, eta aukera ematen die tokiko establezimenduei udalerriko edozein tokitara produktuak modu jasangarrian eta efizientean helarazteko. Zerbitzu honek 3.000 banaketa inguru erregistratu zituen 2024an, eta 35 establezimendu desberdinek erabili zuten.
Adimendun leihatilak: etxez etxeko banaketaren zerbitzuaren osagarri gisa, Durangoko gune estrategikoetan kokatuak, bezeroei beren eskaerak eguneko edozein unetan jasotzeko aukera ematen diete. Kutxatilak hainbat tamainatakoak dira, eta horietako batzuk hoztesistemaz hornituta daude. Horri esker, elikagaiak eta edariak baldintza egokietan kontserbatu daitezke.
Durango Txartela: doako VISA txartela, promozio-kanpaina esklusiboekin atxikitako tokiko saltokietan. 2.000 erabiltzaile ingururekin, fidelizaziorako funtsezko tresna bihurtu da.
Durango Oparitu: zenbateko desberdinekin, 160 establezimendu baino gehiagotan erabil daitezkeen opari-txartel digitalak. Sistema horrekin, 65.000 euro inguru jarri dira zirkulazioan, tokiko negozioei zuzenean eraginez.
AMARI Durango: adimen artifizialean oinarritutako laguntzaile birtuala, WhatsApp eta Dendak Bai webgunearen bidez eskura daitekeena.
Ohiko kontsultak ebazteko eta herritarrei tokiko negozioetan bilatzen dutena aurkitzen laguntzeko diseinatuta dago. Amamaren irudian oinarrituta, hurbiltasuna eta teknologia konbinatzen ditu, eta
dagoeneko 90 establezimendu baino gehiagotako informazioa biltzen du, hala nola ostalaritza, moda, ile-apaindegiak, oinetakoak, osagarriak, informatika, elikadura, etxea, argazkigintza, papergintza, jostailudenda…
Aitorpen horrekin, Dendak Baik tokiko merkataritzaren modernizazioan erreferente gisa duen posizioa sendotzen du, berrikuntzarekin, jasangarritasunarekin eta hurbileko merkataritza-ehunaren bultzadarekin duen konpromisoa berretsiz.
“Aitortza hori Dendak Bai-ren bulegotik egunero egiten den lanari esker izan da posible, lau laguneko talde batek osatutakoa, gure Zuzendaritza Batzordearen konpromisoari esker eta elkartea osatzen duten establezimendu guztien inplikazioari esker”, nabarmendu du Alex Palacios elkarteko presidenteak.
“Durangoko Udalarekin eta Eusko Jaurlaritzako Turismo, Merkataritza eta Kontsumo Sailarekin aspalditik dugun lankidetza publiko-pribatua ere nabarmendu nahi dugu. Azken horren ordezkari gisa, Merkataritza zuzendari den Izaskun Gómez gurekin izan zen Oviedon egindako ekitaldian, egiten
dugun lana babestuz “.
