Ezbeharra gaueko bederatziak laurden gutxitan gertatu da, N-634 errepidean
BERRIZ | Txirrindulari bat hil eta beste bat zauritu da gaur, osteguna, gauean N-634 errepidean, Berriz parean, autobus batek harrapatuta.
Ezbeharra gaueko bederatziak laurden gutxitan gertatu da, N-634 errepidetik zihoan autobus batek bi txirrindulari 16 eta 17 urteko bi gazte harrapatu dituenean Berrizen.
Biktimetako bat, jasandako lesio larrien ondorioz, ia berehala hil da, eta hara joandako medikuak egiaztatu du haren heriotza. Berarekin zihoan beste gaztea zauritu egin da eta Gurutzetako ospitalera eraman dute.
Ertzaintzak dagokion ikerketa abiarazi du, zorigaiztoko istripua nola gertatu den argitzeko.
